भारतीय भाषाओं द्वारा ज्ञान

Knowledge through Indian Languages

Dictionary

Kannada Janapada Nighantu Vol-1 (KJU)

Karnataka Janapada University

ನಿಘಂಟಿನ ಪೀಠಿಕಾ ಪುಟಗಳನ್ನು ಓದಲು ದಯವಿಟ್ಟು ಇಲ್ಲಿ ಕ್ಲಿಕ್‌ ಮಾಡಿರಿ
शब्दकोश के परिचयात्मक पृष्ठों को देखने के लिए कृपया यहाँ क्लिक करें
Please click here to view the introductory pages of the dictionary

ಅಂಚು ಮುರೀದಂಗೆ

ಸೀರೆ, ಪಂಚೆ ಮೊದಲಾದವುಗಳ ಮಡಿಕೆ ಬಿಚ್ಚದೆ.
ಸ್ಯಾಲೆ ತಕೊಂಡು ಎರಡು ವರ್ಸಾದ್ರು ಇನ್ನೂ ಅಂಚು ಮುರಿದಂಗೆ ಮಡಗವ್ಳೆ

ಅಂಚ್‌ತಗ್ರೀಸೊಪ್ಪು

ರಿನ್ ಕೋಸಿಯ ಮಿನಿಮ: ತೊಗರಿ ಗಿಡದ ರೀತಿ ಇರುವ ಗಿಡ. ದನ ಕುರಿ ಮೊದಲಾದ ಪ್ರಾಣಿಗಳ ಕಾಲು ಮುರಿದಾಗ ಕೋಳಿಮೊಟ್ಟೆ ರಸದೊಂದಿಗೆ ಈ ಗಿಡದ ಅಂಟುರಸ ಬೆರೆಸಿ ಕಟ್ಟಿದರೆ ಕಾಲು ಕೂಡಿಕೊಳ್ಳುತ್ತದೆ (ಹಾಸ.ಜಿ).
ಅಂಟ್ ತಗ್ರಿ

ಅಂಜಕ್ಕಿ

ಅರೆಬೆಂದ ಅನ್ನ (ಬಳ್ಳಾ.ಜಿ)

ಅಂಜಣೆ

ನೋಡಿ – ಅಂಜನ (ಮೈಸೂ.ಜಿ)

ಅಂಜನ

ನಿಧಿಯನ್ನು ಕಂಡುಹಿಡಿಯುವವರು ಅಥವಾ ಅದೃಶ್ಯವಿದ್ಯೆ ಬಲ್ಲವರು ಹಚ್ಚಿಕೊಳ್ಳುವ ಮಾಂತ್ರಿಕ ಶಕ್ತಿಯುಳ್ಳ ಕಾಡಿಗೆ.
ಯಾಕಯ್ಯ ಇಷ್ಟು ಕಷ್ಟ ಜೀವನ. ನಾನು ಅಂಜನ ಹಾಕ್ತೀನಿ, ಬೇಕಾದಂಥ ನಿಧಿ ನಿಕ್ಷೇಪ ಕಣ್ಣಿಗೆ ಕಾಣ್ತವೆ ಅಂದ…

ಅಂಜನಕಪ್ಪು

ನೋಡಿ – ಅಂಜನ

ಅಂಜನವಿದ್ಯೆ

ನೋಡಿ – ಅಂಜನಹಾಕುವುದು

ಅಂಜನಹಾಕುವುದು

ಎಲೆ ಅಥವಾ ಅಂಗೈಗೆ ಮಾಂತ್ರಿಕ ಶಕ್ತಿಯುಳ್ಳ ಕಪ್ಪು ಲೇಪಿಸಿ ಅಗೋಚರವಾಗಿರುವುದನ್ನು ತೋರಿಸುವುದು. ವ್ಯಕ್ತಿಗಳು ಅಥವಾ ವಸ್ತುಗಳು ಕಾಣೆಯಾದಾಗ ಈ ರೀತಿ ಅಂಜನ ಹಾಕಿಕೊಂಡು ನೋಡುವವರನ್ನು ಕರೆಸಿ ಪತ್ತೆ ಮಾಡಿಸುವ ರೂಢಿ ಇದ್ದಿತು

ಅಂಜನಾದೇವಿ

ಹನುಮಂತನ ತಾಯಿ

ಅಂಜರ

ನೋಡಿ – ಅಂಜೂರ (ಧಾರ.ಜಿ)

ಅಂಜಲ್

ಒಂದು ಜಾತಿಯ ಮೀನು. ರುಚಿಕರವಾದ ದುಬಾರಿ ಮೀನು (ಉಡ.ಜಿ)

ಅಂಜಲ್‌ಬಲೆ

ಆಳವಾದ ಸಮುದ್ರದಲ್ಲಿ ಬಳಸುವ, ಐದರಿಂದ ಆರು ಇಂಚು ಅಗಲದ ಕಣ್ಣು ಹೊಂದಿರುವ ಬಲೆ (ಉಡು.ಜಿ).
ಬೀಡಿನ ಬಲೆ

ಅಂಜಾಡು

ಈಜಾಡು

ಅಂಜಾಡೆ

ಒಂದು ಬಗೆಯ ಸಸ್ಯ. ದೀವರು ಭೂಮಣ್ಣಿ ಹಬ್ಬದಲ್ಲಿ ದನಗಳನ್ನು ಅಲಂಕರಿಸಲು ಇದರ ಎಲೆಯನ್ನು ಚೆಂಡುಹೂಗಳ ದಂಡೆಗೆ ಸೇರಿಸುತ್ತಾರೆ

ಅಂಜಿ

ಕಂಬಳಿ ನೇಯ್ಗೆಯಲ್ಲಿ ಹತ್ತಿಯಂತೆ ಮೃದುಗೊಂಡ ಉಣ್ಣೆ

ಅಂಜಿ

ನೂಲು ತೆಗೆಯಲು ಬಳಸುವ ಅರಳೆಯ ಸುರಳಿ.
ಹಂಜಿ

ಅಂಜಿಬುಟ್ಟಿ

ಹಿಂಜಿದ ಹತ್ತಿಯಂತೆ ಕಾಣುವ ನರೆಗೂದಲಿನ ತಲೆ

ಅಂಜಿಹುಲ್ಲು

ಸೋಕಿದರೆ ಅಂಟಿಕೊಳ್ಳುವ ಒಂದು ಜಾತಿಯ ಹುಲ್ಲು (ಮೈಸೂ.ಜಿ)

ಅಂಜಿಹೊಡೆಯುವುದು

ಹತ್ತಿ, ಉಣ್ಣೆ ಮೊದಲಾದವನ್ನು ಬಿಡಿಸಿ ಹಂಜಿ ಮಾಡುವುದು; ತುಪ್ಪಟ ಹಿಂಜುವುದು

ಅಂಜು

(ನಾ)
ಬತ್ತದ ಹುಲ್ಲು (ಮಂಡ್ಯ.ಜಿ)

Search Dictionaries

Loading Results

Follow Us :   
  Download Bharatavani App
  Bharatavani Windows App